® الّي يحسب وحدو يفضلّو ®
® الّي يحسب وحدو يفضلّو ®
[ندعوك للتسجيل في المنتدى أو التعريف بنفسك لمعاينة هذه الصورة]
® الّي يحسب وحدو يفضلّو ®
الّي يحسب وحدو يفضلّو
يحكيو على فلّاح عندو شوية بيوت نحل جمعلهم العسل الّي في وسطهم و حطهم في زوز قلل و علّقهم في شجرة.
مالتعب إتكّى تحت هاذيكة الشجرة و بدى يهتري و يحسب شنوّة ماشي يعمل بفلوس العسل.
غمّض عينيه و بدى بينو و بين روحو
آه يا محمود خيرات عسل تبارك الله غدوة بقدرة ربّي نهبط للسوق نبيع الصابة و ناخو معزتين
نربيهم و نعلّفهم و يولدو تولّي عندي جلبة متاع معيز
نخرج نبيعهم و ناخو بفلوسهم زوز بقرات متاع حليب و نولّي نبيع في الحليب و نصوّر الخير و البركة
بالشوية بالشوية يكبر المشروع و نزيد بقرات أخرين و نولّي مستثمر كبير في الألبان و نحل معمل متاع حليب و مشتقاته
عامين و إلّا ثلاثة نزيد نكبّر المشروع بخلاف الألبان نعمل زادة مصنع متاع معجنات و نولّي ندز الفلوس للركبة
وقتها عاد نبني قصر الدهشة و ناخو للّات الحسن و الجمال الّي تهنيني و تملالي دنيتي
بالطبيعة نجيب صغير نعلموا و نربيه أحسن تربية و يا ويلو كان نهار ما سمعش كلامي
و الله نشد نمهّدوا بالعصا كيما هكّة
و هز العصا متاعو و ضرب بها الفوق ضربة هي بيدها !!!
طراف ..... حل عينيه من الفجعة يلقى روحو كسّر القلل و العسل الكل تكب على وجهو و حوايجو
وقف غزر غزر و قال : زايد الّي يحسب وحدو يفضلّو
® الّي يحسب وحدو يفضلّو ®
الّي يحسب وحدو يفضلّو
يحكيو على فلّاح عندو شوية بيوت نحل جمعلهم العسل الّي في وسطهم و حطهم في زوز قلل و علّقهم في شجرة.
مالتعب إتكّى تحت هاذيكة الشجرة و بدى يهتري و يحسب شنوّة ماشي يعمل بفلوس العسل.
غمّض عينيه و بدى بينو و بين روحو
آه يا محمود خيرات عسل تبارك الله غدوة بقدرة ربّي نهبط للسوق نبيع الصابة و ناخو معزتين
نربيهم و نعلّفهم و يولدو تولّي عندي جلبة متاع معيز
نخرج نبيعهم و ناخو بفلوسهم زوز بقرات متاع حليب و نولّي نبيع في الحليب و نصوّر الخير و البركة
بالشوية بالشوية يكبر المشروع و نزيد بقرات أخرين و نولّي مستثمر كبير في الألبان و نحل معمل متاع حليب و مشتقاته
عامين و إلّا ثلاثة نزيد نكبّر المشروع بخلاف الألبان نعمل زادة مصنع متاع معجنات و نولّي ندز الفلوس للركبة
وقتها عاد نبني قصر الدهشة و ناخو للّات الحسن و الجمال الّي تهنيني و تملالي دنيتي
بالطبيعة نجيب صغير نعلموا و نربيه أحسن تربية و يا ويلو كان نهار ما سمعش كلامي
و الله نشد نمهّدوا بالعصا كيما هكّة
و هز العصا متاعو و ضرب بها الفوق ضربة هي بيدها !!!
طراف ..... حل عينيه من الفجعة يلقى روحو كسّر القلل و العسل الكل تكب على وجهو و حوايجو
وقف غزر غزر و قال : زايد الّي يحسب وحدو يفضلّو
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى