حربـــــوشة

حربـــــوشة



باش نكونو واضحين من الاول مانيش فرماسيان (صيدلي) آما كيف الناس الكل وما تاخذوش عليّا كان عجبتكمش الحربوشة. كي نقولو حربوشة نقصدو حبّة للدواء: يمكن يكون شكلها كيف القفلة ولّا كروية ولّا كبسولة ولّا عدسة ... والحرابش ألوان حسب خطورتها كيف انتيبيوتيك (مضاد حيوي) ولّا أعصاب ولّا فيتامينات...
وكيف نقولو حرابش معناها يمكن باش تكون زرارق ولّا كبسولات ولّا زرارق شربان ولّا قطرة ولّا بوماضة ولّا شمع ولّا ساشيات شربان...
ساعات تشرب حربوشة تحس بروحك تفرهدت وساعات العكس، حاصيلو ما نشجعكش باش تكثر من الحرابش كيف ما يجي وأتمنّى لكم دوام الصحة والعافية

مشيت نسهر بحذا جماعة صحابي، نفدلكو شويّا ونلعبو شويّا ديمينو. كان معانا واحد اسمو قاسم (رحمه الله)، طلّع من جببوِ جعبة، مدْ منها حربوشة صغيرة بالكل قصها على 4 و شرب منها الربع. يتلفّتلو الهادي وهو يضحك: اش باش تعملّك هالفتيتة قد عين الفلّوس؟ قالو قاسم: هاذاكا اشقالّي الطبيب.
كلمة منّا وكلمة من غادي قام الهادي: كان جيت آني نضرب منهم (الحرابش) كمشة وما يحركوليش شعرة.
وولّات خطارات، في الاثناء شفت الباكو متع لحرابش نلقاه فاليوم أ10. ولّيت نصحت الهادي: هالنوع متع الحرابش وعّر، يحتمل كعبة تقتلك، لوّح علينا من الخطارات خير ما ترصّيلك تموت وترصّيلنا نبحثو في جرتك. قعد يضحك على عقلي هه هه هه
ولّاو الجماعة أقنعوه باش يبدا بكعيبة وبعد يزيدوه، شرب الكعب وطلب الزيادة ما باوش يزيدوه. قعد شويّا وقام روّح.
في اليلة الجاية ماجاش، قعدنا نفكرو ننمشييولو للدار نشوفوه ولّا كيفاش. احنا هكّاكة وهو وصل. وبدي يحكيلنا كيفاش ما وصل للدار كان بالسيف وكيفاش بايت ليل كامل مرتو تشهدلو وكيفاش لسانو تبرمْ وخطاطها لا بلعو... وكيف فكّرناه كيفاش البارح حب يشرب سفّة حرابش قال: وين نعرف علاها آني.
قالو قاسم: أيّا تعمل ربع حربوشة؟
قال: باهي والله، ما عدتش نعاود صنعتي، كان تعطيني مندري آشْ